Агница Твоя, Иисусе, Иулиания зовет велиим гласом...

Агница Твоя, Иисусе, Иулиания зовет велиим гласом: Тебе, Женише мой, люблю, и Тебе ищущи страдальчествую, и сраспинаюся, и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою; но яко жертву непорочную приими мя, с любовию пожершуюся Тебе. Той молитвами, яко Милостив, спаси души наша.

Девства добротами преочищена, дево, и мученичества венцы ныне венчавшися, Иулиание, даеши сущим в нуждах исцеления и спасение, приступающим к раце твоей: Христос бо источает благодать неоскудную.

Наставниче Православия, учителю благочестия и чистоты, вселенныя светильниче, архиереев Богодохновенное украшение, Петре премудре, ученьми твоими вся просветил еси, цевнице духовная, моли Христа Бога спастися душам нашим.

Взбранному Воеводе и Господу, победительная песнь воспоем Тебе, раби Твои, яко избавльшиися от злых; но яко имеяй милость неизреченную, от всяких нас бед свободи, зовущих: радуйся, святителю Петре, градовом Российским похвало.

Наставниче Православия, учителю благочестия и чистоты...

Просветився Божественною благодатию, премудре, и весь ум свой к Богу вперив, и Того ради во юродство преложився, на земли вельми подвизался еси... Прокопие...

Чистаго твоего жития, преблаженне Прокопие, лучами Божественнаго Света озарився, и Небесную доброту еще на земли зря, в юродство преложився, плоть твою изнурил еси...